साहारा फाउन्डेसनको शंखादेवि माविलाई एक लाख रुपैयाँको स्वास्थ्य सामाग्री

नुवाकोट । नुवाकोटको विदुर ४ बट्टारमा रहेको सामाजिक संस्था साहारा फाउन्डेसनले तारकेश्वर गाउँपालिका वडा नम्बर ५ मा रहेको शंखादेवि माध्यामिक विद्यालयलाई एक लाख रुपैयाँ बरावरको स्वास्थ्य तथा सरसफाई सामाग्री उपलब्ध गराएको छ ।

शुक्रवार विद्यालयमा आयोजित एक कार्यक्रममा संस्थामा अध्यक्ष सुदिप घिमिरेले विद्यालयलाई आवश्यक पर्ने स्वास्थ्य तथा सरसफाई सामाग्री विद्यालयलाई हस्तान्तरण गरेका हुन् ।

स्वास्थ्य सामाग्री हस्तान्तरण कार्यक्रममा बोल्दै साहारा फाउन्डेसनका अध्यक्ष सुदिप घिमिरेले विद्यालयले विभिन्न स्वास्थ्य सामाग्रीहरु आवश्यक रहेको भन्दै माग गरेपछि माग गरे वमोजिमका स्वास्थ्य तथा सरसफाई सामाग्री उपलब्ध गराएको जानकारी दिए । अध्यक्ष घिमिरेले चालु आर्थिक वर्ष २०८०÷८१ को लागि विद्यालयमा चाहिने स्वास्थ्य तथा सरसफाई सामाग्रीहरु निशुल्क उपलब्ध गराउने समेत प्रतिवद्धता जनाए ।

उनले आफुले अध्ययन गरेको विद्यालयमा सहयोग गर्न पाएकोमा खुशी व्यक्त गर्दै आगामी दिनमा तारकेश्वरमा रहेका अन्य विद्यालय र स्वास्थ्य संस्थाहरुको आवश्यकताको पहिचान गरेर सहयोग गर्न तयार रहेको समेत बताए ।

कार्यक्रममा विद्यालयका प्रध्यानाअध्यापक दामोदर कुईकेलले विद्यालयलाई आवश्यक पर्ने स्वास्थ्य तथा सरसफाई सामाग्री विद्यालयकै पुर्व विद्यार्थीबाट पाउनु आफैमा गौरवको कुरा भएको भन्दै खुशी व्यक्त गरे ।

उनले विद्यालयको आफ्नै भरपर्दाै स्रोत नभएकोले सामाजिक संस्था र व्यक्तिहरुसँग सहयोग लिएर विद्यार्थीहरुमा स्वास्थ्य सेवा पुराइरहेको बताए ।

कार्यक्रममा विभिन्न सरोकारवाला निकायहरुको उपस्थिति रहेको थियो ।