नुवाकोटमा पर्यटकहरुलाई‌ सम्मान

नुवाकोट । विश्व पर्यटन दिवस २०२३ को अवसर पारेर नुवाकोटमा‌ आएका पर्यटकहरुलाई सम्मान गरिएको छ ।

आज ढुङ्गेको‌ मन्जरी होटलमा आयोजित एक कार्यक्रममा नुवाकोट होटल तथा रेस्टुरेन्ट व्यवसायी संघले जिल्लामा भित्रिएका पर्यटकहरुको सम्मान गरेको हो ।

काठमाडौँबाट रसुवाको लाङटाङ जाँदै गरेका जर्मनी नागरिक र केहि जिल्ला वाहिरका पर्यटकलाई सम्मान गरिएको हो । कार्यक्रममा बोल्दै होटल तथा रेस्टुरेन्ट व्यवसायी संघका केन्द्रिय उपाध्यक्ष सन्तोष उफ्रेतीले नुवाकोट त्रिदेशिय मार्गको रुपमा विस्तार भइरहेको भन्दै पर्यटकहरुलाई लक्षित गरि विभिन्न कार्यक्रम आयोजना गरिने बताए । उनले जिल्लाका पर्यटन व्यवसायीहरुलाई एकतावद्ध बनाएर विभिन्न स्थानका पर्यटकिय क्षेत्रहरुको प्रर्वद्धन गरिने समेत उल्लेख गरे ।

पर्यटन दिवसको अवसरमा आफुहरुलाई सम्मान गरेको भन्दै जर्मन नागरिकले खुशी व्यक्त गरे । उनले नेपालमा आफुहरुलाई राम्रो आतिथ्यता प्रदान गरेको भन्दै उनले सबैलाई नेपाल आउन प्रेरित गर्ने बताए ।

त्यस्तै नुवाकोट होटल तथा रेष्टुरेन्ट व्यवसायी संघका अध्यक्ष वासुदेव अधिकारीले विश्व पर्यटन दिवसको अवसर पारेर एक साता नुवाकोटका होटल तथा रेष्टुरेन्टहरुमा खानमा १० प्रतिशत र वसाईमा १५ प्रतिशत छुट दिने बताए ।

नुुवाकोट होटल तथा रेष्टुरेन्ट व्यवसायी संघमा जिल्लाका झण्डै २ सय ७३ होटलहरु आवद्ध भएका छन् ।