माथिल्लो मैलुङले सर्वसाधारणका लागि सेयर खुलाउँदै

नुवाकोट । माथिल्लो मैलुङ खोला जलविद्युत लिमिटेडले आम सर्वसाधारणका लागि सेयर जारी गर्ने भएको छ।

कम्पनीले असोज १८ देखि २२ गतेसम्म सेयर जारी गर्न लागेको हो। कम्पनीको जारी पुँजी एक अर्ब रुपैयाँ छ। यसको १५ प्रतिशत सेयर उसले आम सर्वसाधारणका लागि छुट्याएको छ।

कम्पनीले रोजगारमा गएका नेपाली, प्रभावित वासिन्दा, सामूहिक लगानी कोष र कर्मचारीलाई सेयर बाँडफाँट गरिसकेको छ।

सबैलाई बिक्रीपछि आम सर्वसाधारणलाई १२ लाख ८४ हजार २ सय  कित्ता सेयर निष्काशन गर्न लागेको हो। कम्पनीको सेयरमा कम्तिमा १० र अधिकतम १० हजार कित्तासम्म आवेदन दिन सकिन्छ।

कम्पनीले १४.३ मेगावाट क्षमताको जलविद्युत परियोजना विकास गरिरहेको छ। यसको प्रतिमेगावाट लागत १७ करोड ४८ लाख रुपैयाँ अनुमान गरिएको छ।