रिलायवल नेपाल लाईफ इन्स्योरेन्सद्धारा दाङसिङ माविमा शैक्षिक सामाग्री वितरण

नुवाकोट । रिलायवल नेपाल लाईफ इन्स्योरेन्स कम्पनि लिमिटेड नुवाकोट शाखाले तारकेश्वर गाउँपालिका वडा नम्बर १ मा रहेको दाङसिङ माविका विद्यार्थीहरुलाई शैक्षिक सामाग्री वितरण गरेको छ ।

शुक्रवार इन्स्योरेन्सको छैठौँ वार्षिकोत्सव अवसरमा संस्थागत सामाजिक उत्तरदायित्व अन्तर्गत दानसिंङ माविमा रहेका असहाय, गरिव र जेहेन्दार ३७ जना विद्यार्थीहरुलाई शैक्षिक सामाग्री वितरण गरिएको रिलायवल नेपाल लाईफ इन्स्योरेन्स कम्पनि लिमिटेड नुवाकोट शाखाका शाखा प्रमुख पन्चवहादुर तामाङले जानकारी दिए ।

उनले बार्षिक उत्सवमा विपन्न तथा गरिव बालबालिका अध्ययनरत विद्यार्थीहरुलाई गरिएको शैक्षिक सहयोगले उनीहरुको शैक्षिक गुणस्तरको विकासमा सहयोग पुग्ने बताए । सरकारी विद्यालयको शैक्षिक गुणस्तर विकासमा सबै निकायको सहयोग र सहकार्य आवश्यक हुने उनको भनाई थियो ।

वितरण गरेको शैक्षिक सामाग्रीहरुमा कपि, पेन, रङ र ज्योमेट्रि वक्स रहेको रिलायवल नेपाल लाईफ इन्स्योरेन्स कम्पनि लिमिटेड नुवाकोट शाखाका एजेन्सी म्यानेजर रोनिस लोप्चन तामाङले जानकारी दिए ।

विद्यालयको सिफारिसमा विद्यार्थीहरु छनौट गरि शैक्षिक सामाग्री वितरण गरेको रिलायवल नेपाल लाईफ इन्स्योरेन्स कम्पनि लिमिटेड नुवाकोट शाखाले जनाकारी दिएको छ ।

शैक्षिक सामाग्री वितरण कार्यक्रममा विद्यालय व्यवस्थापन समितिका सदस्य अमर वहादुर तामाङ, विद्यालयका प्रध्यानाअध्यापक हरि प्रसाद अधिकारी, रिलायवल नेपाल लाईफ इन्स्योरेन्स कम्पनि लिमिटेड नुवाकोट शाखाका एजेन्सी म्यानेजर आइरिस लोप्चन तामाङ र रेन्छन तामाङ लगायतको उपस्थिति रहेको थियो ।