थानापतिमा सडक दुर्घटना हुँदा एक महिला घाइते

नुवाकोट । नुवाकोटको शिवपुरी गाउँपालिका वडा नम्बर ८ को थापागाउमा आज विहान सडक दुर्घटना हुँदा एक महिला घाइते भएकी छिन् ।

सडक दुर्घटनामा स्थानीय थानापति स्वास्थ्य केन्द्रमा कार्यरत स्वास्थ्यकर्मी मिरा श्रेष्ठ गम्भीर घाइते भएकी हुन् । छहरे–टोखा सडक खण्ड अन्तर्गत थापागाउँमा सडक पार गर्ने क्रममा स्वास्थ्यकर्मी श्रेष्ठलाई बा १७ च ११०१ नम्बरको बोलेरो गाडीले ठक्कर दिएको बताइएको छ ।

दुर्घटनामा घाइते भएकी श्रेष्ठलाई तत्काल उद्धार गरि एम्बुलेन्स मार्फत काठमाडौ पठाइएको छ ।