लेखक संघ नुवाकोटको अध्यक्षमा दाहाल

नुवाकोट । नेपाली लेखक संघ नुवाकोट जिल्ला कार्य समितिको अध्यक्षमा प्रमिला दाहाल चयन भएकी छिन् ।

मंगलवार भएको प्रथम अधिवेशनले दाहालको नेतृत्वमा ११ सदस्यीय कार्य समिति निर्विरोध रुपमा निर्वाचित गरेको हो ।

संघको उपाध्यक्षमा दिपक तिवारी सचिवमा श्यामप्रसाद पाण्डे र भगवती घिमिरे रहेका छन् भने कोषाध्यक्षमा गणेशप्रसाद पाण्डे चयन भएका छन् ।

त्यस्तै सदस्यहरु मुकुन्द अर्याल, बिष्णु चालिसे, ओमकारेश्वर सापकोटा, सुकुमान डंगोल, प्रकाश सडौला
र राम प्रसाद दाहाल रहेका छन् ।

यस्तै सल्लाहकारमा कवि श्रीराम श्रेष्ठ ,साहित्यकार जयराम दाहाल, लेखक तथा क्याम्पस प्रमुख नारायणमान डङ्गोल र भगवती खनाल रहेका छन् ।