नुवाकोटमा नेपाल टेलिकममा समस्या, प्रशासन कार्यालयका सेवा अवरुद्ध

नुवाकोट । आज विहानैदेखि नुवाकोटमा नेपाल टेलिकमको सेवा अवरुद्ध भएको छ । टेलिकमको फाइवरमा समस्या आएकोले सेवा अवरुद्ध भएको हो ।

सेवा अवरुद्ध भएसँगै नेपाल टेलिकमको टेलिफोन, मोवाइल सेवा र इन्टरनेट सेवा अवरुद्ध भएको छ ।

यसैबिच टेलिकमको सेवा जिल्लामा अवरुद्ध भएसँगै जिल्ला प्रशासन कार्यालयबाट प्रवाह हुने नागरिकता र रााष्ट्रिय परिचय पत्र सम्बन्धी कार्यहरु अवरुद्ध भएको छ ।

जिल्ला प्रशासन कार्यालयले एक सुचना जारी गर्दै टेलिकमको सेवा अवरुद्ध भएकोले सेवा प्रवाहमा ढिलाइ भएको भन्दै क्षमा मागेको छ ।