भारतीय पर्यटकमाथि लुटपाट गर्ने नुवाकोटका पदमबहादुर पक्राउ

नुवाकोट । भारतीय पर्यटकहरुमाथि लुटपाट गरेको आरोपमा प्रहरीले नुवाकोटका एक दुईजनालाई पक्राउ गरेको छ ।

पक्राउ पर्नेमा नुवाकोटको तारकेश्वर गाउँपालिका वडा नम्बर ४ सिम्ले घर भई हाल काठमाडौंको बालाजु माछा पोखरी बस्‍ने ३२ वर्षीय पदमबहादुर पक्राउ परेका छन् ।

यस्तै पक्राउ पर्ने थप एकजनामा कैलालीको धनगढी उपमहानगरपालिका वडा नम्बर ३ घर भई हाल काठमाडौंको नयाँ बानेश्वर बस्‍ने ३३ वर्षीय पुरन भन्‍ने ओम प्रकाश ऐरी रहेका छन् ।

काठमाडौं उपत्यका अपराध अनुसन्धान कार्यालयको विशेष टोलीले उनीहरुलाई सिंहदरबार दक्षिण गेटबाट पक्राउ गरेको हो ।

पक्राउ परेका उनीहरुलाई प्रारम्भिक अनुसन्धानका लागि प्रहरी वृत बानेश्वर पठाइएकोमा काठमाडौं जिल्ला अदालतबाट ४ दिनको म्‍याद थप गरी अनुसन्धान भइरहेको अपराध अनुसन्धान कार्यालयका प्रवक्ता प्रहरी उपरीक्षक रविन्द्र रेग्मीले जानकारी दिए ।