तारकेश्वर गाउँपालिकामा अध्यक्षसंग जेष्ठ नागरिक कार्यक्रम जारी

नुवाकोट । नुवाकोटको तारकेश्वर गाउँपालिकामा अध्यक्षसँग जेष्ठ नागरिक कार्यक्रम शुरु भएको छ ।

सामाजिक सुरक्षा भत्ता वितरणको अवसर पारेर पालिकाले यो कार्यक्रम संचालन गर्दै आइरहेको छ । अध्यक्षसँग जेष्ठ नागरिक कार्यक्रम अन्तर्गत जेष्ठ नागरिकलाई सामाजिक सुरक्षा भत्ता प्रदान गर्नुका साथै उनीहरुको निशूल्क स्वास्थ्य परीक्षण र औषधी वितरण गरिएको गाउँपालिकाका अध्यक्ष शिव अधिकारीले जानकारी दिए ।

स्वास्थ्य नै ठूलो धन हो भन्ने मुल मन्त्रलाई आत्मसाथ गर्दै पालिका अधयक्ष अधिकारीले कार्यभार सम्हालेदेखि नै यो कार्यक्रमलाई निरन्तरता दिदै आएका छन् ।

जेष्ठ नागरिकको स्वास्थ्य संवेदनशिलतालाई मध्यनजर गर्दै यो कार्यक्रमलाई आागमी दिनहरुमा थप प्रभावकारी बनाउँदै लैजाने उनले बताएका छन् ।

साथै कार्यक्रमको अवसरमा पालिकाको विकासका लागि जेष्ठ नागरिकको सल्लाह सुझाव समेत लिने गरिएकाले विकास निर्माणमा सबैको अपनत्व समेत रहने अधिकारीले विश्वास व्यक्त गरेका छन् ।