ढुंगेमा आगलागी हुँदा ३ पसल जले

विदुर खबर २०७९ फागुन ३० गते १७:११

नुवाकोट । नुवाकोटको विदुर नगरपालिका–१ ढुंगेबजारमा आगलागी हुँदा जस्ताको टहराभित्र रहेका तीन वटा पसल जलेका छन् ।

विदुर नगरपालिका–९ घर भइ ढुंगेबजारमा भाँडा पसल गर्ने रामेश्वर अधिकारीको पसल, सुरेश श्रेष्ठको किराना पसल र अर्को फलफूलको पसलमा आगलागी भएको जिल्ला प्रहरी कार्यालयकी इन्स्पेक्टर लक्ष्मी खड्काले बताइन् ।

आगलागी सोमबार राति ११ बजेतिरबाट सुरु भएर बिहान दुई/तीन बजे मात्रै नियन्त्रणमा आएको प्रहरीले जनाएको छ । विद्युत् सट भइ आगलागी भएको प्रहरीले बताएको छ ।

आगलागीबाट मानवीय क्षति नभएपछि प्लाष्टिका भाडा, खाद्यान्न सामाग्रीसहित लाखौंको क्षति भएको पसलेले बताएको प्रहरीले जनाएको छ ।

पसलमा आगलागी भएसँगै क्षतिको विवरण लिन विदुर नगरपालिकाकी उपमेयर प्रभा बोगटी र विदुर नगरपालिका वडा नम्बर १ का वडाध्यक्ष लेनिन रञ्जित आज विहान ढुगें पुगेर आगलागीको अवस्थावारे जानकारी लिएका थिए ।