नु्वाकोट महोत्सवमा व्यापारीको हड्ताल, सबै स्टल बन्द

नुवाकोट । नुवाकोटमा जारी सातौँ नुवाकोट महोत्सवमा स्टल व्यापारीहरुले व्यवसाय नभएको भन्दै हड्ताल गरेका छन् ।

नुवाकोट उद्योग वाणिज्य संघको आयोजनामा भएको महोत्सवमा व्यासाय नभएको भन्दै स्टल व्यवसायीहरुले महोत्सवको टिकट महँगो भएकोले अवलोकनकर्ताहरु नआएको भन्दै स्टल बन्द गराएका हुन् ।

आयोजक नुवाकोट उद्योग वाणिज्य संघले महोत्सवको ठेक्का निजि कम्पनि नारायणी फेयर्स एक्जिभेसन नेपाललाई ३५ लाख रुपैयाँ वित्रि गरेपछि महोत्सव पछिल्लो समय विवादमा तानिदै आएको छ ।

महोत्सवमा ३ सयभन्दा बढी स्टल भएपनि अधिकाश खालि छ । स्टल लिएवापत ठेक्का लिएको नारायणी फेयर्स एक्जिभेसन नेपालले प्रति स्टल १५ हजार रुपैयाँदेखि ३० हजार रुपैयाँ लिएको व्यवसायीहरुले बताएका छन् ।

तर टिकट दर महँगो भएको, महोत्सवमा राम्रो कलाकारहरु ल्याउन तथा विभिन्न डफडाले व्यवसाय नभएको भन्दै स्टल व्यापारीहरुले स्टल बन्द गरेको एक व्यवासायीले विदुर खबरलाई बताए ।

व्यवसायीहरु अहिले महोत्सवको मुल गेटमा वसेर आयोजक नुवाकोट उद्योग वाणिज्य संघ र नारायणी फेयर्स एक्जिभेसन नेपालले आफ्नो मागहरुको सम्बोधन गर्नुपर्ने मागसहित धर्नामा वसिरहेका छन् ।

अहिले महोत्सव स्थलमा ठुलो मात्रामा प्रहरी परिचालन गरिएको छ ।