नेपाली कांग्रेसको तर्फबाट डा. महत सांसद बन्ने पक्का

नुवाकोट । नेपाली कांग्रेसका प्रभावशाली नेता तथा पार्टीका प्रवत्ता डा. प्रकाशशरण महत सांसद बन्ने पक्का भएको छ ।

शनिबार वसेको कांग्रेसको केन्द्रीय कार्यसम्पादन समितिको बैठकले प्रतिनिधि सभाको समानुपातिक तर्फको नाम टुंगो लगाएको हो । नेपाली कांग्रेसले प्रतिनिधिसभाका ३२ समानुपातिक सांसदको नाम टुंगो लगाएको छ ।

संंघीय संसदमा ३३ प्रतिशत महिला अनिवार्य भएकाले कांग्रेसले ३२ मध्ये २९ जना महिलाको नाम पठाउनुपर्ने थियो ।

पुरुषतर्फ खसआर्यतर्फ प्रवक्ता प्रकाशशरण महत चयन भएका छन् । यस्तै दलितर्फ जीवन परिवार र मधेसी पुरुषतर्फ अर्का उपसभापति विमलेन्द्र निधिको नाम समेत सिफारिस गरेको छ ।

यससँगै नुवाकोटबाट संघिय सांसदमा प्रतिनिधित्व गर्नेको संख्या ४ पुगेको छ । यसअघि प्रत्यक्षबाट नुवाकोट क्षेत्र नम्बर १ बाट माओवादी केन्द्रका हितवहादुर तामाङ, क्षेत्र नम्बर २ बाट कांग्रेसका अर्जुननरसिंह केसी र समानुपातिकतर्फबाट माओवादी केन्द्रकी विमला सुवेदी सांसद बन्ने निश्चित भइसकेको छ ।