नुवाकोटका तामाङले जिते शारीरिक सुगठनमा गोल्ड मेडल

नुवाकोट । नुवाकोटका सन्तोष तामाङले शारीरिक सुगठन प्रतियोगितामा गोल्ड ट्रफी,गोल्ड मेडल ,ब्रोन्जी ट्रफी र सिल्भर १ विथ फस्र्ट प्लेस जित्न सफल भएका छन् ।

वैदेशिक रोजगारीको सिलसिलामा मकाउमा कार्यरत तामाङले मकाउ बडी बिल्डिङ एसोसेसनले गत अक्टोबर ११ तारिकमा आयोजना गरेको खेलमा मकाउ, चीन, फिलिपिन्स लगायतका देशका खेलाडीहरूलाई पछि पार्दे गोल्ड मेडल हात पारेका हुन् ।

उनी ८० के.जीको तौलमा समुहमा तृतीय, १७० क्लासिक फिजिक्स तथा उचाइमा प्रथम भएका हुन् ।

मकाउ र चाइनाको संयुक्त आयोजनामा आइरन गेम बडी बिल्डिङ तथा फिट्नेस चम्पियानसीप मकाउको अहिले सम्मकै उत्कृष्ट खेलकुद प्रतियोगिता हो ।

प्रतियोगितामा मकाउ, चाइना, फिलिपिन्स र नेपाल गरी चार देशका १५० भन्दा बढी खेलाडीहरूको सहभागिता रहेको थियो ।

साबिक कल्याणपुर गाविस घर भएका तामाङ वैदेशिक रोजगारीको सिलसिलामा मकाउमा कार्यरत रहेका छन । ड्युटीसंगै शारीरिक सुगठनमा निरन्तर अभ्यासरत उनको सफलतालाई ठुलो उपलब्धीको रुपमा लिइएको छ ।