माओवादी नेता स्व. पोष्टबहादुर बोगटीकी श्रीमती तथा वाग्मती प्रदेश कमिटी सदस्य बोगटीले आइतबार निर्वाचन क्षेत्र नं. २ को २ मा मनोनयन दर्ता गराएकी थिइन् । उनले पार्टी निर्णयअनुसार उम्मेदवारी फिर्ता लिएको बताइन् । ‘पार्टीको निर्णय हो,’ उनले भनिन्,‘पार्टीको निर्णय मान्नुपर्‍यो ।’ उनी संविधानसभा सदस्य पनि हुन् ।

Advertisement

तर निर्वाचन क्षेत्र नं. २ को १ की उम्मेदवार गीता अमात्य र निर्वाचन क्षेत्र नं. २ को २ का उम्मेदवार सिंहराज लामाले समयसीमाभन्दा ढिला नाम फिर्ताको निवेदन ल्याएकाले उनीहरुको नाम फिर्ता गर्न नमिलेको मुख्य निर्वाचन अधिकृतको कार्यालयले जनाएको छ । अमात्यले कांग्रेसबाट र लामाले स्वतन्त्रबाट उम्मेदवारी दिएका थिए ।

गठबन्धनको भागबन्डाअनुसार २ (१) मा नेकपा एकीकृत समाजवादीका राजेन्द्र लोहनीले उम्मेदवारी दिएका थिए । तर, बुधबारको सहमतिबमोजिम लोहनीले उम्मेदवारी फिर्ता लिने भनिए पनि त्यो सहमति कार्यान्वयन नभएको माओवादी केन्द्रका नेता हिरानाथ खतिवडाले जानकारी दिए । लोहनीले सामाजिक सञ्जालमा भने आफूले उम्मेदवारी फिर्ता लिएको स्टाटस् लेखेका छन् ।

माओवादी नेता खतिवडाले गठबन्धनभित्रका अमात्य र लोहनीको उम्मेदवारी फिर्ता नभएकोले गठबन्धनमा इमानदारिता र विश्वसनीयता रहने प्रतिबद्धता ग्यारेन्टी गर्नुपर्ने माग गरेका छन् ।

‘आजको सत्ता गठबन्धनको पछिल्लो सहमतिअनुसार नुवाकोट प्रदेशसभा २ बाट राममाया बोगटीले उम्मेदवारी फिर्ता लिनुभएको छ । त्यसैगरी नेकाका १ नम्बर प्रदेशका उम्मेदवार गीता अमात्य र समाजवादीका राजेन्द्र लोहनीजीको उम्मेदवारी फिर्ता गर्नुपर्नेमा त्यस‍ो नभएको देखियो,’ उनले भने, ‘सम्बन्धित दलले तत्काल उहाँहरूको उम्मेदवारी फिर्ताको नोटिस गर्दै गठबन्धनमा इमानदारिता र विश्वसनीयता रहने प्रतिबद्धताको ग्यारेन्टी गरियोस् ।’

निर्वाचन क्षेत्र नं. १ मा दुई जनाले आफ्नो उम्मेदवारी फिर्ता लिएका छन् । निर्वाचन क्षेत्र १ को प्रतिनिधिसभा सदस्यमा उम्मेदवारी दिएका सरोज गिरी र निर्वाचन क्षेत्र १ को २ बाट नरहरि भेटवालले आफ्नो उम्मेदवारी फिर्ता लिएको निर्वाचन अधिकृत टेकराज भुसालले बताए ।

निर्वाचन क्षेत्र नं. १ मा प्रतिनिधिसभा सदस्यमा १७ कायम भएका छन् भने प्रदेशसभा क्षेत्र नं. १ को १ मा ७ जना र २ को २ मा ९ जना कायम भएका छन् । निर्वाचन क्षेत्र नं. २ मा प्रतिनिधिसभा र प्रदेशसभा गरी २८ जना कायम भएका छन् ।