बालिका बलात्कार गरेको आरोपमा नुवाकोटका सुनार पक्राउ

नुवाकोट । बलात्कार गरेको आरोपमा नुवाकोटका एक जना पक्राउ परेका छन ।

पक्राउ पर्नेमा नुवाकोटको बेलकोटगढी नगरपालिका वडा नम्बर १३ घर भई हाल काठमाडौ बौद्ध बस्ने वर्ष ३५ को रामबहादुर सुनारलाई रहेको प्रहरीले जनाएको छ ।

उनले रातको समयमा ११ वर्षीया बालिका सुतिरहेको अवस्थामा कोठामा गएर बलात्कार गरेको आरोपमा प्रहरीले भत्तपुरबाट उनलाई पक्राउ गरेको महानगरीय प्रहरी परिसर भक्तपुरका सूचना अधिकृत राजु पाण्डेले जानकारी दिए ।

उनका अनुसार सुनारलाई प्रहरी वृत्त ठिमीबाट खटिएको प्रहरी टोलीले पक्राउ गरेको हो । सूर्यविनायक नगरपालिका वडा नम्बर २ बालकोटमा डेरामा आफ्ना अभिभावकसँग बस्दै आएकी बालिकालाई निजकै कोठामा गई जबरजस्ती करणी गरेको कसुरमा सुनारलाई पक्राउ गरिएको उनले जानकारी दिए ।

सुनारलाई नियन्त्रणमा लिई प्रहरी वृत्त ठिमीबाट थप अनुसन्धान कार्य भइरहेको पाण्डेले जानकारी दिए ।