नुवाकोट निर्माण व्यवसायी संघमा महासचिव वाहेक प्याकुरेलको टिमनै विजयीे

नुवाकोट । नुवाकोट निर्माण व्यवसायी संघको निर्वाचनमा महासचिव वाहेक सबै पदमा प्याकुरेल प्यानल विजयी विजयी भएका छन् ।

केही समय अघि सम्पन्न मतगण्नामा आफ्ना निकटतम प्रतिद्धन्दी कृष्णप्रसाद थपलियाको प्यानललाई पराजित गरि प्याकुरेल प्यानलले महासचिव वाहेक सबैमा जित निकालेको हो ।

अध्यक्षमा विजयी भएका शैलेन्द्रराज प्याकुरेलले १४१ मत ल्याएर विजयी हुँदा उनका निकटतम प्रतिद्धन्दी कृष्ण प्रसाद थपलियाले ११९ मत प्राप्त गरेका छन् । प्याकुरेल र थपलियाको मतान्तर २२ मतको रहेको छ ।

यस्तै वरिष्ट उपाध्यक्षमा प्याकुरेल प्यानलका गणेशवहादुर तामाङ विजयी भएका छने उनले १४७ मत प्राप्त गर्दा थपलिया प्यानलका पशुपति थापाले १०७ मत प्राप्त गरे ।

त्यस्तै उपाध्यक्षमा प्रज्वल कार्की १३९ र रामचन्द्र श्रेष्ठ १३२ मत ल्याएर विजयी भए । सचिवमा शिवलाल श्रेष्ठ १५८ मत ल्याएर विजयी भए । कोषाध्यक्षमा श्यामवहादुर तामाङले १५२ मत पाए । कोषाध्यक्ष्मा विजयी भएका योविन्द्रसिंह थापाले लोकप्रिय मत १७१ मत ल्याएर विजयी भएका छन् ।

सदस्यहरुमा जीवन मर्हजन १४१, श्रीराम तामाङ १४०, विनोद थापा १४१, बावुकाजी थापामगर १३२, दशरथ थापा १३० र कटक वहादुर ढुङ्गानाले १२२ मत ल्याएर विजयी भएका छन् ।

अध्यक्षमा विजयी भएका प्याकुरेलको प्यानललाई कांग्रेस निकट निर्माण व्यवसायीहरुको मात्रै नभई  एमाले, माओवादी केन्द्र निकटका निर्माण व्यवसायीहरुको समेत साथ रहेको थियो ।

यसअघि आज सम्पन्न मतदानमा २ सय ६८ मत खसेको निर्वाचन समितिले जनाएको छ । नुवाकोट निर्माण व्यवसायी संघमा २ सय ९३ जा मतदाता रहेका छन् ।