समाजवादी पार्टी नुवाकोटको अध्यक्षमा राना

नुवाकोट । नेपाल समाजवादी पार्टी नुवाकोटको अध्यक्षमा भगवान रानामगर चयन भएका छन् ।

शुक्रवार विदुरमा भएको समाजवादी पार्टी नुवाकोटको प्रथम जिल्लास्तरीय भेलाले रानामगरको नेतृत्वमा ५१ सदस्यीय कार्यसमिति निर्विरोध चयन गरेको हो ।

भेला नेपाल समाजवादी पार्टीका पोलिटब्युरो सदस्य डा. भिमलाल तामाङको प्रमुख आतिथ्यतामा सम्पन्न भएको हो ।

कमिटिको वरिष्ट उपाध्यक्षमा मानसिह तामाङ, लिलुमाया तामाङ, राजकुमार पौडेल, सचिवमा भिम तामाङ, राम सुर्खेती र सह–सचिवमा जगदिश रिमाल चयन भएका छन् ।

त्यस्तै कोषाध्यक्षमा आईसिङ तामाङ र सह‍‍–कोषाध्यक्षमा सृजना दुलाल चयन भएको
केन्द्रीय सदस्य राजन बमले जानकारी दिए ।