एमाले गएका दुप्चेश्वरका १ का निर्वतमान अध्यक्ष सुनवहादुर कांग्रेसमै फर्किए

नुवाकोट । गत वैशाख १२ गते एमाले प्रवेश गरेका दुप्चेश्वर गाउँपालिका वडा नम्बर १ का निर्वतमान वडाध्यक्ष सुनवहादुर तामाङ नेपाली कांग्रेस नै फर्किएका छन् ।

कांग्रेसले टिकट वितरण गर्दा अन्याय भएको भन्दै एमाले प्रवेश गरेका तामाङ पुरानो घर कांग्रेस नै फर्किएका हुन् । २०७४ सालको स्थानीय निर्वाचनमा वडाध्यक्षमा विजयी भएपछि नुवाकोटमा मात्रै नभई देशभर सुनबहादुर तामाङ चर्चित बनेका थिए ।
उनी त्यसै चर्चित भने भएका होइनन ।

उनी माथि चारसय भन्दा बढी चेलीबेटी बेचबिखन गरि भारत लगेर बेचेको र भारतमै कोठी चलाएको आरोप लागेको थियो । यद्यपी उनले उक्त मुद्दाबाट सफाइ पाए ।

सुनबहादुरको बेला मौकामा विभिन्न हर्कत जारी छ । हाल आएर एमाले बनेका सुनबहादुर पुनः काङ्ग्रेसमा फर्केको घटनाले भने राजनीति धार र संरक्षणका घटना ठिटलाग्दो देखिएको छ ।