विदुर खानेपानीको चुनावमा २३ सय २५ मत खस्यो

विदुर खबर २०७९ भदौ २२ गते १९:११

नुवाकोट । विदुर खानेपानी तथा सरसफाई उपभोत्ता संस्थामा नयाँ नेतृत्वको लागि भएको चुनावमा साढे २३ सय मत खसेको छ ।

केही वेरअघि सम्पन्न भएको मतदानमा २ हजार ३ सय २५ मत खसेको मुख्य निर्वाचन अधिकृत जयप्रसाद गौतमले जानकारी दिए ।

विहान ७ बजेदेखि भएको मतदान साँझ ५ बजेसम्म संचालन भएको थियो । निर्वाचनमा मतदाता भन्दा ८ सय १६ मत कम खसेको निर्वाचन अधिकृतको कार्यालयले जानकारी दिएको छ ।

र खानेपानी तथा सरसफाई उपभोत्ता संस्थामा रहेका करिव ४ हजार सदस्यमध्ये ३ हजार एकसय ४१ मतदाता रहेका छन् ।विदुर खानेपानीमा अध्यक्ष उपाध्यक्षसहित ९ सदस्यीय कार्यसमितिको लागि निर्वाचन भएको हो ।

नयाँ नेतृत्व चयनको नेपाली कांग्रेस, माओवादी केन्द्र र एकिकृत समाजवादीले गठबन्धन गरेका छन भने नेकपा एमाले र राप्रपाले सामुहिक उम्मेद्धवारी दिएको थियो ।

गठबन्धनबाट कांग्रेसको तर्फबाट छत्रवहादुर डंगोलले अध्यक्षमा उम्मेद्धवारी दिएका छन् भने एमालेको तर्फबाट संजीव श्रेष्ठ मैदानमा उत्रिएका छन । यस्तै उपाध्यक्षमा मुरारी नेपाल र सदस्यमा विमल खड्काले स्वतन्त्र उम्मेद्धवारी दिएका छन ।

विदुर नगरपालिकाको वडा नम्बर १, २, ३, ४, ५, ६ र ९ मा खानेपानी वितरण गरिरहेको विदर खानेपानी तथा सरसफाइ उपभोक्ता संस्थाको अधिवेशनलाई राजनितिक दलले प्रतिष्ठाको विषय बनाएका छन ।

यसअघि २०७५ सालमा सम्पन्न भएको खानेपानी समितिको अधिवेशनमा नेकपा एमाले र माओवादी केन्द्र मिलेर बनेको तत्कालिन नेकपा प्यानल नै विजयी भएको थियो ।