नेपालमा थप ६५८ जनामा कोभिड १९ पुष्टि, एक जनाकाे निधन

नुवाकोट । नेपालमा थप ६५८ जनामा कोभिड १९ संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार २४ घण्टामा ६ हजार ६४३ जनाको नमुना परीक्षण भएकोमा तीन हजार ३८१ पीसीआर परीक्षणमध्ये ४०५ जनामा र ३ हजार २६२ एन्टिजेन परीक्षणमध्ये २५३ जनामा कोरोना पुष्टि भएको छ ।

साेमबार कोरोना संक्रमणका कारण निधन हुनेको संख्या एक रहेको छ । यस्तै सो अवधिमा ४५६ जनाले कोरोना संक्रमण जितेका छन् । देशभरमा अहिले ४ हजार २९६ जना सक्रिय संक्रमित रहेका छन् ।

आज थपिएका संक्रमितमध्ये काठमाडौंका १८३ जना, ललितपुरका ४६ जना र भक्तपुरका १३ जना रहेका छन् ।