नुवाकोट क्षेत्र नं १ को प्रदेश (क) मा शुशिल र राधिकाविच प्रतिष्पर्धा हुने

नुवाकोट । सरकारले आगामी मंसिर ४ गते प्रदेश र प्रतिनिधिसभाको निर्वाचन घोषणा गरेसँगै नुवाकोटमा चुनावी जोड घटाउ शुरु भएको छ ।

दुई क्षेत्र र चार प्रदेश क्षेत्र रहेको नुवाकोटमा गठबन्धन भएमा दुईपक्षिय र नभएमा त्रिपक्षिय भिडन्त हुने देखिएको छ । यसैक्रममा नुवाकोटको क्षेत्र नम्बर १ को प्रदेश (क) मा चुवावी प्रतिष्पर्धा रोचक देखिएको छ ।

नुवाकोट क्षेत्र नं १ को प्रदेश (क) मा गठबन्धनको तर्फबाट रााधिका तामाङ र एमालेको तर्फबाट शुशिल खड्काले टिकट पाउने संभावना छ । पुर्व संविधानसभा सदस्य तथा बाग्मति प्रदेशकी उप–सभामुख राधिका तामाङ र नेकपा एमालेका जिल्ला कमिटि सदस्य शुशिल खड्काले टिकट पाउने लगभग निश्चित देखिएपछि यो प्रदेशको चुनावी अंक गणित रोचक हुने देखिएको छ ।

निर्वाचनमा कांग्रेससहित माओवादी केन्द्र लगायत ५ दलको गठबन्धन र एमालेविच कडा प्रतिष्पर्धा हुने देखिएको छ । गठबन्धनको तर्फबाट तामाङ वलियो उम्मेद्धवार हुन् । तामाङहरुको वाहुल्य रहेको दुप्चेश्वरमा राधिका लोकप्रिय मानिन्छन् । तर उनलाई एमालेको तर्फबाट उम्मेद्धवार रहने शुशिल भारी पर्ने देखिन्छ ।

दुप्चेश्वर मात्र नभई तादी, शिवपुरी, पन्चकन्या तथा जिल्ला भर नै सामाजिक काममा लागिपरेका खड्का लोकप्रिय व्यक्ति हुन् । उनी नेपाली कांग्रेसबाट भर्रखरै मात्र एमाले प्रवेश गरेकोले पनि कांग्रेसी जनले उनलाई मतदान गर्ने निश्चित जस्र्तै छ । पार्टीगत भोटभन्दा व्यक्तिगत भोट ल्याउन सक्ने हैसियत शुशिलले यो क्षेत्रमा बनाइसकेका छन् ।

“सानैलाई माया ठुलालाई सम्मान” भन्ने नारा लिएर हिँडेका शुशिल सबैमाझ परिचित छन् । गत मंसिरमा सम्पन्न नेपाली कांग्रेसको १४ औ महाधिवेशनमा समेत जरा गाडेर वसेको केसी पक्षका उम्मेद्धवारलाई भारी मतले पराजित गरेर विजयी भएका शुशिलले आफ्नो क्षमता देखाइसकेका छन् ।

बाग्मति प्रदेशको उप–सभामुख भएपछि त्यति जिल्ला आउन नपाएकी राधिकालाई यो निर्वाचनमा भारी पर्ने जानकारहरु बताउँछन् । गठबन्धनभित्रको वेमेल र असमझदारी तथा कांग्रेसको असहयोग राधिकाको पराजयको कारण बन्न सक्ने अनुमान गरिएको छ ।

यो निर्वाचनमा युवाहरुको वाहुल्य रहने र युवामाझ बढी परिचित तथा कामको मुल्याङ्कनले समेत शुशिललको पल्ला भारी देखिएको छ । तर चुनावी प्रतिष्पर्धामा रहेका दलहरुको अवस्था तथा उनीहरुले लिने रणनितिले समेत नतिजामा प्रभाव पार्ने भएकोले यस प्रदेशको निर्वाचनमा शुशिल र राधिकाविच कडा प्रतिष्पर्धा हुने देखिएको छ ।