नुवाकोटमा दुर्घटना न्यूनीकरणका लागि चालकको स्वास्थ्य परीक्षण गरियो

नुवाकोट । नुवाकोट जिल्ला ट्राफिक प्रहरी कार्यालयले सडक दुर्घटना न्यूनीकरण गर्न लामो मध्यम तथा छोटो दुरीमा चल्ने सवारीहरुका सवारी चालकहरुको स्वास्थ्य परिक्षण गरेको छ ।

शनिवार नुवाकोटको विदुरमा जिल्ला प्रहरी ट्राफिक प्रहरी कार्यालय नुवाकोटको आयोजना तथा पुजा चस्मा पसल र सापकोटा मेडिकल हलको प्राविधिक सहयोगमा चालकहरुको निशुल्क स्वास्थ्य जाँच तथा आँखा परिक्षण कार्यक्रम सम्पन्न भएको हो ।

  कार्यक्रममा एक सय ५० साना तथा ठुला सवारी साधनका चालक र सहचालकहरुको स्वास्थ्य परीक्षण तथा आँखाको जाँच गरिएको जिल्ला ट्राफिक कार्यालय नुवाकोटका वरिष्ट प्रहरी नायव निरिक्षक गुणनिधि खकुेरेलले जानकारी दिए ।

शिविरमा चालकहरुको सामान्य स्वास्थ्य परिक्षणदेखी उच्च रक्तचाप समेत जाँच गरिएको थियो । सबै सवारी चालकहरुलाई सवारी दुर्घटनाबाट हुने जोखीम न्युनीकरणको सचेतना फैलाउने तथा सवारी चालकहरुलाई सवारी दुर्घटना न्युनीकरण गराउने उदेश्यले निशुल्क स्वास्थ्य जाँच तथा आँखा परिक्षण कार्यक्रम संचालन गरेको खकुरेलले जानकारी दिए ।

खकुरेलले सवारी चालक र सहचालकको स्वास्थ्य र आँखा चेक जाँच गर्नुले सवैलाई सचेत गराउने मात्र नभई धनजनको क्षति हुन वाट जोगाउने काम समेत भएको वताए ।

उनले अगामी दिनमा पनि यस्ता चेक जाँचको क्रमलाई अझै परिस्कृत र सुधार गर्दै जिल्लाका विभिन्न ठाउँमा समेत चेक जाँच सचेतना कार्यक्रम गरिने बताए ।
भएको थियो ।

बिहान ८: ३० बजेदेखि दिउँसो १०: ३० बजेसम्म गरिएको स्वास्थ्य परिक्षणबाट सडक दुर्घटना कम गर्न मद्दत पुग्ने विश्वास सरोकारवालाहरुले गरेका छन् ।