टिकट वितरण गर्दा न्यायोचित निर्णय नभए संघर्ष गर्छाे : केसी

नुवाकोट । नेपाली कांग्रेसका निर्वतमान जिल्ला सभापति तथा संविधानसभा सदस्य जगदिश्वर नरसिंह केसीले पार्टीले टिकट वितरण गर्दा न्यायोचित निर्णय नभए संघर्ष गर्ने चेतावनी दिएका छन् ।

शनिबारै कोइराला समूहका नेताहरूको भेलामा बोल्दै उनले सो कुरा बताएका हुन् ।

बैठकको नेतृत्व गरेका केसीले पार्टी महाधिवेशनमा प्रदेश १ र बागमतीको सभापतिमा पराजित नेताद्वय गुरूराज घिमिरे र जगदीश्वरनरसिंह केसीले सभापति देउवाले एकलौटी रुपमा प्रतिस्पर्धीलाई पाखा लगाएर अघि बढ्न खोजेको भन्दै आगामी निर्वाचनको उम्मेदवारी चयनमा त्यही प्रवृत्ति दोहोरिए कडा संघर्ष गर्ने चेतावनी दिएका छन ।

केसीले सभापति देउवाले आगामी निर्वाचनमा टिकट वितरण गर्दा न्यायोचित निर्णय गर्न नसके आफूहरू संघर्ष गर्नसमेत तयार हुने बताए ।

‘गठबन्धन गर्ने कुरा ठीक हो । तर गठबन्धनको नाममा प्रतिस्पर्धी समूहलाई पाखा लगाउने र आफूनिकटलाई मात्रै लिएर चुनावमा जाने काम हुनुहुन्नँ,’ उनले भने, ‘त्यस्तो कदम हामीलाई स्वीकार्य हुँदैन ।’