नुवाकोटको बाढी र पहरोग्रस्त क्षेत्रमा केसी दाजुभाई पुगे

नुवाकोट । बुधवार परेको अविरल वर्षाको कारण नुवाकोटको विभिन्न ठाउँमा बाढी र पहिरोले विभिन्न स्थानमा क्षति पुराएको छ ।

बाढी र पहिरोको कारण जिल्लाको विभिन्न स्थानमा क्षति पुगेपछि नेपाली कांग्रेसका नेताद्धय केसी दाजुभाई प्रभावित क्षेत्रको अवलोकन गर्न निस्किएका छन् ।

नेपाली कांग्रेस नुवाकोटका निर्वतमान सभापति तथा संविधानसभा सदस्य अर्जुननरसिंह केसी र जिल्ला सभापतिका प्रत्यासी डा. केदारनरसिंह केसी विभिन्न प्रभावित क्षेत्रमा पुगेका छन् ।

बुधवार परेको बर्षाका कारण नुवाकोटको विभिन्न स्थान लगायत तादि र पञ्चकन्या गाउँपालिका जोड्ने आप्र पुल, सातबिसे पुल, तादि र दुप्चेश्वर गाउँपालिका जोड्ने भ्याङ्ले पुल , लखुको ढिकुरे पुलका साथै दुप्चेस्वर गाउँपालिकाको सबै वडामा सडक,पुल विद्युत,खानेपानी,सिचाई,बिधालयको पुर्वाधार पुर्ण रुपले क्षति भएको थियो ।

बाढी र पहिरोले क्षति पुराएको स्थानको अवलोकन गर्दे जगदिश्वरनरसिंह केसीले बस्ने घर,गोठ, बस्तुभाउ, धेरै खेती योग्य जमिन समेत बगाएकोले समयमै सरोकारवाला निकायले राहत प्याकेजको घोषणा गर्न माग गरे ।

उनले दीर्घकालीन रुपमा पुनःस्थापना तथा नष्ट भएका पुर्वाधारको बैज्ञानिक ढंगले पुर्ननिमाण गर्न जरुरी रहेको भन्दै सम्बन्धित निकायको ध्यानाकर्षण गराए ।

केसीले बाढी र पहिरोग्रस्त क्षेत्रमा कुनैपनि तहको सरकारको अझैसम्म उपस्थिति नभएको भन्दै असन्तुष्टि समेत जनाएका छन् ।