तिरतिरेमा लेदो माटो झर्दा पसाङल्हामु राजमार्ग अवरुद्ध,गेर्खु खोलाको हेमपाइप समेत बगायो

नुवाकोट, लगातारको वर्षाले नुवाकोट विभिन्न स्थानमा बाढी र पहिरो जाँदा पासाङल्हामु रार्जमार्ग अवरुद्ध भएको छ ।

बिदुर नगरपालिकाको वडा नं. १० तिरतिरे भिरमा माथिबाट लेदो माटो आई बाटो पूर्ण रुपमा अवरुद्ध भएको छ भने बिदुर नगरपालिका वडा नं. १ र १० को गेर्खुखोलाको हेमपाइप र साइडको माटो बगाउँदा पासाङल्हामु राजमार्ग अवरुद्ध भएको जिल्ला प्रहरी कार्यलय नुवाकोटले जनाएको छ ।
त्यस्तै विदुर नगरपालिका वडा नं १ को बान्द्रेमा समेत रुख ढल्दा राजमार्ग अवरुद्ध भएको छ । अवरुद्ध सडक खुलाउन पहल भइरहेको जिल्ला प्रशासन कार्यलय नुवाकोटको प्रशासकिय अधिकृत नन्दलाल शर्माले बताए ।