नुवाकोट कांग्रेसका प्रदेश सभापति खड्का एमालेका जिल्ला सदस्य

नुवाकोट । नेपाली कांग्रेस नुवाकोट क्षेत्र नम्बर १ को प्रदेश (क) का प्रदेश सभापति शुशिल खड्का नेकपा एमालेको जिल्ला कमिटि सदस्य चयन भएका छन् ।

नेपाली कांग्रेसको गत मंसिरमा सम्पन्न भएको १४ महाधिवेशनमा भारी मतले सभापतिमा विजयी भएका खड्कालाई नेकपा एमालेले जिल्ला कमिटि सदस्यको रुपमा पार्टीमा भित्राएको हो ।

गत वैशाख ११ गते उम्मेद्धवारी चयनको शिलशिलामा नेपाली कांग्रेसले क्षमतावान नेता तथा कार्यकर्ताहरुलाई वाइपास गरेको तथा आफुहरुलाई पेलिएको भन्दै खड्का लगायत दुप्चेश्वर गाउँपालिकाका निर्वतमान गाउँपालिका अध्यक्ष योविन्द्रसिंह तामाङले नेकपा एमालेका अध्यक्ष ओलिको हातबाट टिकाल लगाएर एमाले प्रवेश गरेका थिए ।

एमाले प्रवेश गरेका खड्का र तामाङलाई नेपाली कांग्रेसले अझै कारवाही गरेको छैन । उनीहरु पुन कांग्रेस फर्कने आशमा कारवाही नगरिएको नेपाली कांग्रेसका एक नेताले बताए ।

यस्तै कांग्रेस छाडेर एमालेका गएका नेपाली कांग्रेस नुवाकोटका उप–सभापति यमवहादुर थापालाई पनि नेकपा एमालेले जिल्ला कमिटि सदस्य बनाएको छ ।