पनेरुको नेतृत्वमा युवा स्वयंसेवक गठन

विदुर खबर २०७९ असार २१ गते १८:०१

नुवाकोट । जिल्ला युवा समिति नुवाकोटका अध्यक्ष उद्धप पनेरुको नेतृत्वमा युवा स्वयंसेवक गठन गरिएको छ ।

मंगलवार प्रदेश युवा परिषद तथा जिल्ला युवा समिति नुवाकोटको संयुत्त आयोजनामा भएको कार्यक्रममा पनेरुको नेतृत्वमा २० सदस्यीय युवा स्वयंसेवक गठन गरिएको हो । गठन गरिएको युवा स्वयंसेवकहरुलाई एकदिने विपद व्यवस्थापन प्रशिक्षण समेत प्रदान गरिएको छ ।

कार्यक्रममा नुवाकोटका प्रमुख जिल्ला अधिकारी नारायणप्रसाद रिसालले विपतका घटना धेरै मानवबाट सिर्जित पूर्वाधारबाट हुने भएकोले भौतिक संरचनाको संरचना दिगो हुने गरी निर्माण गर्नुपर्नेमा जोड दिए । उनले संघीय, प्रदेश, जिल्लागत र स्थानीयस्तरमा विप व्यवस्थापनमा युवाको भूमिका रहने भएकोले टोलस्तरीय युवाको संजालमार्फत्तविपद न्यूनिकरणमा लाग्नुपर्ने बताए ।

कार्यक्रममा सशस्त्र प्रहरी प्रमुख मदन ढुंगानाले जिल्लामा वर्षाको समयमा बाढी व्यवस्थापनको लागि जिल्लामा र्याफ्टिङ डुंगाको अति आवश्यक रहेको बताए । बाढीबाट हुने मानवीय क्षति जोगाउन र्याफ्टिङ डुंगा अतिआवश्यक रहेको हुदाँ सहजताको लागि जिल्ला अधिकारीलाई अनुरोध गरेका छन । उनले नुवाकोटको दुप्चेश्वर, पन्चकन्या र तादीमा विपदबाट हुने दुर्घटनामा तत्काल राहत तथा व्यवस्थापन गर्न असहज रहेको बताए ।

यस्तै कार्यक्रममा प्रहरी प्रमुख रामप्रकाश शाहले विपदको व्यवस्थापनको लागि स्थानीय स्तरमा सामान्य जानकारी पुर्याउन युवा लग्नुपर्ने बताए । उनले नुवाकोट प्रहरी विपद व्यवस्थापनको लागि पूर्व तयारीमै रहेको बताए ।

नेपाल पत्रकार महासंघ बागमती प्रदेश समितिका अध्यक्ष शिव देवकोटाले वर्षेनी दोहोरिने विपदका घटनालाई न्युनीकरण गर्न सबैको सामुहिक प्रयास गर्नुपर्ने बताए ।

कार्यक्रममा जिल्ला युवा समितिका अध्यक्ष उद्धव पनेरुले बागमती प्रदेश सरकारको कार्यक्रम अन्तर्गत युवालाई विपद सम्बन्धी अभिमुखीकरण गर्नुपर्ने कार्य योजना अनुसार प्रशिक्षण कार्यक्रम गरिएको बताए । उनले भइपरि आउने विपदमा तत्काल उद्धारमा खट्नको लागि जिल्लास्तरीय युवा स्वयंसेवक गठन पनि गरिएको जानकारी दिए ।

कार्यक्रममा जवरजंग गणका सेनानि अन्जय प्याकुरेल सहसेनानि सरोज खड्का लगाएतको उपस्थिति रहेको थियो ।