विदुर नगरपालिकाको निति तथा कार्यक्रम प्रस्तुत

नुवाकोटको विदुर नगरपालिकाले आज आर्थिक वर्ष २०७९/८० को निति तथा कार्यक्रम र बजेट प्रस्तुत गरेको छ ।

नगरपालिकाको निति तथा कार्यक्रम प्रस्तुत गर्दै मेयर राजन श्रेष्ठले निति तथा कार्यक्रम र बजेट निर्माण गर्दा बहुवर्षिय योजना र चालु वर्षका योजनाहलाई प्राथमिकता दिएको बताए । उनले नगरपालिकाबाट उपलब्ध हुने सेवा सुविधालाई स्रोत र साधनले भ्याएसम्म चुस्त दुरुस्त राख्ने बताए ।

यस्तै नगर सभामा नगरपालिका उपमेयर प्रभ बोगटीले आर्थिक वर्ष २०७९÷८० को बजेट प्रस्तुत गरेकी छिन् । बोगटीले प्रस्तुत गरेको नगरपालिकाको बजेट १ अर्ब १३ करोड ९३ लाख ५९ हजार रुपैयाँ रहेको छ ।

उनले बजेट विदुर नगरपालिकाको बजेट निर्माण गर्दा स्वाधिन अर्थतन्त्र निर्माणको लागि बजेटमा भौतिक पुर्वाधार, कृषि, शिक्षा,उद्योग, श्रम र गरिवी निवारण र पर्यटनलाई प्राथमिकतामा राखेको उनले बताइन् ।

उप–मेयर बोगटीले नगरपालिका भित्र तरकारी र फलफुलमा २० प्रतिशत बृद्धि हुने लक्ष्य लिएको बताइन् ।

यसअघि बहुमत सदस्यको वहिस्कारपछि शुक्रवार १० गते स्थगित भएको नगरपालिकाको नगरसभा आज बसेको हो ।