विदुर र बेलकोटका नगर प्रमुखद्वारा सपथग्रहण

विदुर खबर २०७९ जेठ १० गते ८:३२

नुवाकोटको दुई स्थानिय तहको नगर प्रमुखहरुले सपथग्रहण गरेका छन ।

Advertisement

मुख्य निर्वाचन अधिकृत तथा न्यायधिश उमेशप्रसाद लुइटेलले विदुर नगरपालिकाका मेयर राजन श्रेष्ठ र बेलकोटगढी नगरपालिकाका मेयर जगत तामाङलाई पद तथा गोपनीयताको सपथ खुुवाएका हुन् । बैशाख ३० गते सम्पन्न निर्वाचनमा विजयी भएका नगरप्रमुखहरुले संयुत्त रुपमा शपथ लिएका हुन् ।

विदुर नगरपालिकामा गठबन्धनको तर्फबाट नेपाली कांग्रेसका राजन श्रेष्ठ, बेलकोटगढी नगरपालिकामा गठबन्धनको तर्फबाट माओवादी केन्द्रमा जगत तामाङ विजयी भएका थिए ।

Advertisement

यस्तै विदुर नगरपालिकाका मेयर राजन श्रेष्ठले उप–मेयर प्रभा बोगटी र नगरपालिकाका वडाध्यक्ष र वडा सदस्यहरुलाई छुट्टाछुट्टै रुपमा सपथ ग्रहण गराएका छन् । सपथग्रहण लगत्तै संचारकर्मीसँग कुरा गर्दै विदुर नगरपालिकाका मेयर राजन श्रेष्ठले आफु नगरवासीको समग्र विकास निर्माणको लागि प्रतिवद्ध रहेको बताए । उनले जनताको कामको लागि आफु सधै तयार रहेको बताए ।
सपथग्रहण कार्यक्रममा बोल्दै नुवाकोटका मुख्य निर्वाचन अधिकृत उमेशप्रसाद लुइटेलले संविधानलाई मुल मन्त्र मानेर जनताको विकासमा जनप्रतिनिधि लाग्ने विश्वास व्यक्त गरेका छन् ।

यस्तै कार्यक्रममा बोल्दै नुवाकोटका प्रमुख जिल्ला अधिकारी नारायणप्रसाद रिसालले जनताले महसुस गर्ने सरकार स्थानिय सरकार रहेकोले जनतालाई आशा विश्वास र भरोसा दिलाउन नवनिर्वाचित जनप्रतिनिधिहरु सक्षम हुने बताए । उनले संविधानले दिएको हक र अधिकारको अधिनमा रहेर स्थानिय सरकारले काम गर्नुपर्ने समेत उल्लेख गरे ।

Advertisement

यसैविच आजै विदुर नगरपालिकाको मेयरको सपथग्रहण गरेर कार्रभार समालेका विदुर नगरपालिकाका मेयर श्रेष्ठले नगरपालिकाले लगाएको कर पुनरावलोकन गर्ने बताएका छन । उनले करको विषयमा पुनरावलोकन गरि आगामी नगरसभामा पेश गर्ने निर्णय गरेका छन् ।

प्रतिक्रिया