अबरुद्ध पासाङल्हामु राजमार्ग एकतर्फी सञ्चालनमा,पटकपटक सडक अबरुद्ध हुँदा यात्रु मर्कामा

प्रमिला सुनार, ककनी/अबिरल बर्षाका कारण सडक माथिबाट आएको पहिरोले अबरुद्ध भएको पासाङ ल्हामु राजमार्ग अन्तर्गतको काठमाण्डौ ककनि सडकमार्ग एकतर्फी सञ्चालनमा आएको छ ।

नुवाकोटको ककनी गाउपालिका वडा नम्बर ४ स्थित पैतिस किलोमा बर्षाका कारण पहिरो जाँदा करिब ९ घण्टा काठमाण्डौबाट नुवाकोट भित्रने र बाहिरने मुख्यमार्गमा सबारी आवतजावत ठप्प भएको थियो । आज बिहान ७ बजेर ४५ मिनेटको समयमा आएको पहिरो कोसी एण्ड नेपाल कन्ट्रक्सन सँग समन्वय गरी पन्छाउने काम तिब्र गतिमा भैरहेको र छिटै सडक पूर्ण रुपमा सञ्चालनमा आउने जिल्ला प्रहरी कार्यालय नुवाकोटले जनाएको छ ।

लामो समयसम्म पनि सडक सञ्चालनमा नआउदा आफ्नो गन्तब्यमा हिडेका यात्रुहरु अलपत्रमा परेका थिए । पासाङल्हामु राजमार्गको स्तरोन्नति गर्ने क्रममा सडकको भित्ता काटिएकाले बर्खा लागेसँगै ठाउँठाउँमा साना–ठूला पहिरो गएर पटक–पटक सडक अवरुद्ध हुँदै आएको छ ।