विदुर १२ को वडाध्यक्षमा गठबनधनका उपिन्द्र खड्का विजयी

नुवाकोट । नुवाकोटको विदुर नगरपालिका वडा नम्बर १२ को वडाध्यक्षमा गठबनधन दलका साझा उम्मेद्धवार माओवादी केन्द्रका उपिन्द्र खड्का विजयी भएका छन् ।

आज सम्पन्न भएको मतगणना अनुसार उनले आफ्ना निकटतम प्रतिष्पर्धी नेकपा एमालेका सिताराम रिमाललाई ५ सय ८५ मतले पराजित गर्दे वडाध्यक्षमा निर्वाचित भएका हुन् । खड्कासँगै विदुर १२ मा गठबन्धनको पुरै प्यानल नै विजयी भएको छ ।

वडाध्यक्षमा निर्वाचित भएका खड्काले १४ सय २२ मत प्राप्त गर्दा उनका निकटतम प्रतिद्धन्दी एमालेका रिमालले ८ सय ३७ मत प्राप्त गरेका छन् ।

यस्तै दतिल महिला सदस्यमा माओवादी केन्द्रका सिता मिजार र महिला सदस्यमा कांग्रेसकी निर्मला नेपाल विजयी भएका छन् । मिजारले ११ सय १७ मत प्राप्त गर्दा नेपालले ११ सय १५ मत प्राप्त गरेकी छिन् ।

खुल्ला सदस्यमा कांग्रेसका झंकनाथ भट्ट र माओवादी केन्द्रका रामचन्द्र पौडेल (सागर) विजयी भएका छन् । भट्टले १२ सय ४० मत प्राप्त गर्दा १०९८ मत प्राप्त गरेका छन् ।

विदुर १२ बाट मेयरमा गठबन्धनका साझा उम्मेद्धवार राजन श्रेष्ठलाई सर्वाधिक १५ सय ८ र उपमेयरकी उम्मेद्धवार प्रभा बोगटीलाई सर्वाधिक १४ सय ८ मत गएको थियो ।