मृत्तकका परिवारलाई क्षतिपुर्ति दिने सहमतिपछि सडक सुचारु

विदुर खबर २०७५ भदौ ७ गते ११:३७

Advertisement

नुवाकोट,  नुवाकोटको लिखु गाउँपालिका वडा नं १ को ढिकुरेमा करेन्ट लाग्दा बिहिबार विहान एक जनाको मृत्यु भएको छ भने २ जना घाइते भएका छन ।

लिखु गाउपालिका वडा नं १ ढिकुरे स्थित ३३ हजार के.बि. प्रशारण लाईनको पोल कोल्टिँदा तार झोलिएको र करेन्ट लागेको जिल्ला प्रहरी कार्यलय नुवाकोटले जनाएको छ । करेन्ट लागेर मृत्यु हुनेमा लखु गाउँपालिका वडा नं १ की तुलसा अधिकारी रहेको नुवाकोट प्रहरी प्रमुख वसन्त कुवरले बताउनुभयो । घाइते हुनेमा बेलकोटगढि नगरपालिकाकी १७ वािर्षय सदिक्षा पौडेल, लिखु गाउँपालिका वडा नं १ का लालप्रशाद लामिछाने रहेका छन । घाइतेहरुको नुवाकोटको विदुरमा रहेको सिटि अस्पतालमा उपचारपछि थप उपचारको लागि काठमाण्डौको ग्रान्डी अस्पताल लगिएको छ ।

Advertisement

यसैबिच घटनाको दोषीलाई कारवाही र पिडितलाई क्षतिपुर्ति दिनुपर्ने माग गर्दै लिखु गाउँपालिकाका वासीहरुले नुवाकोटको सदरमुकाम विदुर, ढिकुरे बट्टार, पिपलटार लगाउत स्थान बाटो अवरुद्ध गरेका थिए । सडक अवरुद्ध हुँदा गोसाईकुण्ड मेला भर्न आएका पर्यटकहरु मर्कामा परेका थिए । यातायात बन्द गरेको सडक सहमतिपछि सुचारु भएको छ । लिखुबासीले प्राधिकरणको लापरवाहीले सिमा नागेको भन्दै तत्काल कारवाहीको र पिडित परिवार र दाइतेलाई क्षतिपुर्तिको माग गर्दै प्रर्दशन गरेका थिए । नुवाकोटका प्रमुख जिल्ला अधिकारी उद्धववहादुर थापाको संयोजनमा पिडित र लिखु गाउँपालिकाका प्रतिनिधिको रोहबरमा भएको वार्ताले पिष्तिलाई क्षतिपुर्तिबापत ५ लाख रुपैयाँ र घाइतेको उपचारको व्यवस्था मिलाईने सहमति भएसँगै अवरुद्ध सडक संचालनमा आएको छ । सहमतिमा दुर्घटनामा ज्यान गुमाएकी अधिकारीको दुइक्षर्् वर्षिय छोरीलाई सबैको सहयोगमा राहात कोष स्थापना गर्ने सहमति समेत भएको छ । त्यस्तै स्थानियबासीले लापरवाही गरेर काम नगर्ने प्राधिकरणका कर्मचारीलाई बर्खास्तीको माग समेत पुरा भएपछि आन्दोलन फिर्ता भएको लिखु् गाउँपालिकाका प्रमुख धव्र श्रेष्ठले बताए ।

Advertisement

प्रतिक्रिया