विदुरको मेयरमा एमालेबाट पण्डित र गजुरेलको दाबेदारी बलियो

नुवाकोट । विदुर नगरपालिकाको मेयर पदको उम्मेदवारका लागि नेकपा एमालेभित्र दश जनाले आकांक्षा राखेका छन ।

सहमति जुट्न नसकेपछि विदुर नगर कमिटीलाई कसको नाम सिफारिस गर्ने भन्ने सकस परेको छ । एमालेभित्र विदुरमा कसलाई निर्वाचनमा टिकट दिने भनेर रस्साकस्सी शुरु भएको छ ।

एमाले इतरका दलहरुले गठबन्धन गरेर अघि बढ्ने भएपछि एमाले चारदलिय गठबन्धनसँग जुध्न सक्ने लडाकुको खोजमिा छ । अहिले एमाले मतदाताको मन जित्न सक्ने र निर्वाचनमा खर्च धान्ने व्यक्तिको खोजीमा छ । यि दुबै गुण भएका व्यक्तिमा अहिलेका मेयर सञ्जु पण्डित र पुर्व मेयर ठाकुर गजुरेल पर्छन ।

एमालेबाट अहिले मेयरमा सबैभन्दा उपयुत्त दाबेदारमा २०७४ को चुनावबाट मेयर बनेका सञ्जु पण्डित २०४९ र २०५४ का मेयर ठाकुर गजुरेल हुन् । आसन्न स्थानिय निर्वाचनमा विदुरको मेयरमा पुन दाहोरीन सञ्जु पण्डित लागिरहेका छन् भने उनलाई सबैभन्दा बढी चुनौती ठाकुर गजुरेलले दिइरहेका छन् ।

निर्वाचन नजिकिएसँगै पण्डितले सक्रियता देखाइरहेका छन् । नगरपालिकाले संचालन गरेका योजनाहरुमा पुग्नेदेखि नयाँनयाँ योजनाहरुसमेत बाँडेर मतदाताको मन जित्न लागेका पण्डितले नै अबको निर्वाचनमा एमालेलाई जित दिलाउन सक्षम छन भन्नेहरु एमाले वृतमा देखिन थालेका छन् ।

२०७४ सालमा भएको निर्वाचनमा एमाले वाहेक अन्य दलका मतदाताको समेत मत लिन सफल भएको श्रेय पण्डितलाई जाने गरेको छ ।
युस्तै दुई पटक मेयर भइसकेका गजुरेल मेयरको अर्काे प्रवल संभावना भएका दाबेदार हुन् ।

२०७४ सालमा नै मेयरको लागि तिव्र लबिङ गरेका गजुरेलले टिक पाउन सकेका थिएनन् । २०५९ सालमा मेयर पद सकिएपछि अन्य विभिन्न पार्टीमा लागेर पछि फेरि एमाले फर्किएका भन्नेहरु बलियो हुँदा गजुरेलले टिकट पाउन नसकेका हुन् । पछिल्लो समय एमालेमा सक्रिय रहेका गजुरेल निर्वाचन नजिकिएसँगै नेता तथा कार्यकर्ता भेटघाट र कार्यक्रमहरुमा सक्रिय हुन थालेका छन् ।

विदुरको मेयरमा यि दुई वाहेक अर्काे प्रमुख दावेदारको रुपमा अनुजकुमार श्रेष्ठलाई पनि लिइएको छ । पछिल्लो वर्षहरुमा एमालेमा निकै सक्रिय रहेका श्रेष्ठ युवाहरुमाझ बढी लोकप्रिय छन् ।

समाजसेवासँगै राजनितिमिा लागेका श्रेष्ठ सबैसँग छिटो घुलमिल हुन सक्ने व्यक्ति हुन् । पार्टीको कार्यकर्ता संरक्षणको लागि समेत अभियान चलाउन सक्षम भनेर उनलाई पार्टीपङ्त्तिबाटै मेयरको सिफारिसमा परेका उनी अनेरास्ववियुको २०५३ सालको जिल्ला अध्यक्ष हुन् । उनी हाल नेकपा एमाले विदुर नगर कमिटिका सचिव रहेका छन् ।

यसबाहेक नगरपालिकाको मेयरमा बुद्धि प्रधान, गिता दाहाल, शिव चित्रकार लगायको नाममा चर्चा चलिरहेको छ । तर नाम मात्रैको चर्चाले यसपटक एमालेलाई जित दिलाउन नसक्ने प्रष्ट छ । कारण जिल्लामा गठबन्धन हुने भएपछि एमालेलाई विदुर नगरपालिकामा चुनाव जित्नु फलामा चिउरा चपाउनु सरह हुनेछ ।

दुइ नगरपालिका र १० गाउँपालिका रहेको नुवाकोटमा २०७४ सालको निर्वाचनमा ३ स्थानिय तहमा प्रमुख जित्न सफल एमालेलाई गठबन्धनकै कारण सो पद जोगाउन समेत गाह्रो छ । यस्तो बेला एमालेलाई स्थानिय तहमा जित्न सक्ने उम्मेद्धवार छनौट गर्ने चुनौती रहेको छ ।

२०७४ सालमा सम्पन्न भएको स्थानिय तहको निर्वाचनमा एमालेका सञ्जु पण्डितले नेपाली कांग्रेसका धुव्र अधिकारीको भन्दा ९ सय ७६ मत बढी ल्याएर मेयरमा विजयी भएका थिए ।

तेस्रो भएको नेकपा माओवादीका लीलानाथ न्यौपानेले ४ हजार ७ सय ३६ मत ल्याएका थिए ।