लोहनी दम्पत्तिद्धारा विद्यार्थीहरुलाई शैक्षिक सामाग्री वितरण

नुवाकोट । बेलकोटगढी नगरपालिका वडा नम्बर १० मा रहेको बालकुमारी आधारभुत विद्यालयमा अध्ययनरत बालबालिकाहरुलाई ब्यागसहित शैक्षिक सामाग्री वितरण गरिएको छ ।

शुक्रवार एक कार्यक्रमको आयोजना गरि नुवाकोटको बेलकोटगढी नगरपालिका भई हाल अमेरिकाको टेक्कास वसोवास गर्दै आएका रुपक लोहनी र हाल पोर्चुगोल वस्दै आएकी उनकी धर्मपत्नी गनेशा लोहनीले विद्यालयमा अध्ययनरत ४० जना विद्यार्थीहरुलाई ४० थान झोला, कपि, जोमेट्री बक्स,सिसाकलम, इलेजर, फुटवल र बास्केटवल उपलब्ध गराएका हुन् ।

विद्यालयमा अध्ययनर विद्यार्थीहरुलाई पठनपाठनमा सहयोग होस भन्ने अभिप्रायले विद्यार्थीहरुलनाई शैक्षिक र खेलकुदका सामाग्री वितरण गरेको रुपक लोहनीले बताए ।

उनले आगामाी दिनमा पनि विद्यालयलाई आवश्यकताको आधारमा विविध किसिमको सहयोग गर्न तयार रहेको समेत प्रतिवद्धता व्यक्त गरे ।