नुवाकोट उद्योग वाणिज्य संघले ग¥यो सिडियोलाई स्वागत

नुवाकोट । नुवाकोट उद्योग वाणिज्य संघले नयाँ प्रमुख जिल्ला अधिकारीको रुपमा नुवाकोटमा आएका नारायणप्रसाद रिसालको स्वागत गरेको छ ।

संघले आईतवार ईलम प्रशिक्षण केन्द्र विदुरमा एक कार्यक्रमको आयोजना गरि प्रजिअ रिसालको स्वागत गरेको हो ।

कार्यक्रममा प्रमुख जिल्ला अधिकारी रिसालले सरकारले वैशाख ३० गते स्थानिय तहको चुनाव घोषणा गरेको भन्दै त्यसलाई शान्ति र भयरहित बनाउन आफु प्रतिबद्ध रहेको बताए । उनले जिल्लामा शान्ति र सुव्यवस्था कायम गर्न सबै क्षेत्रले सहयोग गर्नुपर्ने बताए ।

कार्यक्रममा नुवाकोट उद्योग वाणिज्य संघका अध्यक्ष तारावहादुर कार्कीले समग्र नुवाकोटका उद्योगी व्यवसायीले जिल्लाको विकास निर्माणमा सहयोग गर्ने प्रतिबद्धता व्यक्त गरे । जिल्लाको समग्र क्षेत्रमा गर्न सकिने कानुन सम्मतका कुराहरुमा व्यवसायीहरु साथ रहन्छ कार्कीले भने ।

कार्यक्रममा नुवाकोट उद्योग वाािण्ज्य महासंघका केन्द्रिय सदस्य राजन श्रेष्ठ, नुवाकोट उद्योग वाणिज्य संघका पुर्व अध्यक्ष शरणउत्सुक सापकोटा, वरिष्ट उपाध्यक्ष गिता अमात्य, पुर्व संविधानसभा सदस्य राज्यलक्ष्मी पाण्डे लगायतको उपस्थिति रहेको थियो ।