ज्योति लाईफद्वारा ११ लाख रुपैयाँ मृत्यु दावी भुक्तानी

नुवाकोट । ज्योति लाइफ इन्स्योरेन्स कम्पनीले दुर्घटनाबाट मृत्यु भएका बीमितको परिवारलाइ ११ लाखरुपैया हस्तान्तरण गरेको छ ।

मोटरसाईकल दुर्घटनामा परि निधन भएका बेलकोटगढी नगरपालिका वडा नम्बर १० का बासु बस्नेतका बुवा डिल बहादुर बस्नेतलाई सो बीमा बापतको रकम ज्योति लाइफ इन्स्योरेन्स बट्टार शाखाले हस्तान्तरण गरेको हो ।

मेरो माईक्रोफाईनान्स कम्पनि लिमिटेडमा कार्यरत वस्नेतले ज्योति लाइफ इन्स्योरेन्स कम्पनिमा सामुहिक म्यादि जीवन बिमालेख अन्र्तगत ५ लाख रुपैयाँको विमा सुविधा लिएको ज्योति लाइफ इन्स्योरेन्स नुवाकोट शाखा प्रमुख शिबराम प्याकुरेलले जानकारी दिए ।

दावी भुक्क्तानी रकम बुझ्दै मृतकका पिता डिलबहादुर बस्नेतले ज्योति लाईफ इन्स्योरेन्सले सरल र सहज तरिकाले दावि भुक्तानि प्रदान गरेको भन्दै खुशी व्यक्त गरे । उनले छोरा गुमेर गएपनि ज्योति लाईफ ईन्श्योरेन्सले बुढेसकालमा बाँच्ने सहारा प्रदान गरेको बताए ।
रकम दाबि भुक्तानी वितरण कार्यक्रममा ज्योति लाईफ ईन्श्योरेन्स कम्पनि त्रिशुली एरियाका क्षेत्रिय प्रबन्धक जयराम ढुंगानाले मृतकका पितालाई चेक हस्तान्तरण गरेका थिए ।

कार्यक्रममा मेरो माईक्रोफाईनान्स कम्पनिका प्रतिनिधि सुरज बास्तोला र मृतकका दाजु विशाल बस्नेतको उपस्थिति रहेको थियो ।