प्रेस चैतारी नुवाकोटको अध्यक्षमा नवदीप श्रेष्ठ

नुवाकोट । नेकपा एमाले निकट पत्रकार संगठन प्रेस चैतारी नुवाकोटको अध्यक्षमा नवदीप श्रेष्ठ चयन भएका छन् ।

बिहिबार भएको चैतारीको छैटौ जिल्ला अधिबेशनले श्रेष्ठको नेतृत्वमा सबै कार्य समिति सर्वसम्मत रुपमा चयन भएको छ ।

कमिटिको उपाध्यक्ष श्रीराम अधिकारी र सुशिला लामिछाने रहेका छन भने सचिवमा सुनिल श्रेष्ठ , सहसचिव कृष्ण अधिकारी र पूजा तामाङ्ग चयन भएका छन् । त्यस्तै कोषध्यक्षमा केदार ढकाल चयन भएका छन् ।

यस्तै कमिटिको सदस्यहरु कृष्णप्रसाद ढुङ्गाना, लोक बहादुर पुडासैनी, किशोर ओली, सङ्गीता लामिछाने चयन भएको प्रेस चैतारी नुवाकोटका अध्यक्षमा नवदीप श्रेष्ठले जानकारी दिए ।

निर्वाचित सबै पदाधिकारीहरुले बिहिबार नै सपथग्रहण गरेका छन् ।