नुवाकोटमा टिप्परको ठक्करबाट एकजनाको मृत्यु

नुवाकोट । नुवाकोटको किस्पाङ गाउँपालिका वडा नम्बर ५ नयाँपुलमा टिप्परको ठक्करबाट एकजनाको मृत्यु भएको छ ।

बुधबार भएको दुर्घटनामा परी किस्पाङ गाउँपालिका वडा नं ५ मानेगाउँ बस्ने अन्दाजी ३२ बर्षीय यम बहादुर तामाङको ज्यान गएको हो ।

तामाङको त्रिशुली अस्पतालमा मृत्यु भएको जिल्ला प्रहरी कार्यालय नुवाकोटका डीएसपी रूपक खड्काले जानकारी दिएका छन्।

बा ३ ख ८५१०० नम्बरको टिपरले विपरीत दिशाबाट आउँदै गरेको बा ७१ प ४६७६ नम्बरको मोटरसाइकललाई बुधबार साँझ ठक्कर दिएको थियो ।

फरार रहेका टिपर चालकको खोजि भइरहेको प्रहरीले जनाएको छ ।