नुवाकोटमा एकैदिन ९० जना कोरोनामुत्त

नुवाकोट । नुवाकोटमा एकैदिन ९० जना कोरोनामुक्त भएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा ९० जना कोरोना संक्रमित कोरोनामुक्त भएर घर फर्किएका छन् ।

यससँगै नुवाकोटमा कोरोनामुक्त हुनेको संख्या ८ हजार ७ सय ६९ पुगेको कार्यालयका सुचना अधिकारी उत्तमराज खनालले जानकारी दिए ।

यस्तै पछिल्लो २४ घण्टामा जिल्लामा ३६ जनामा कोरोना संक्रमण पुष्टि भएको छ । यससँगै जिल्लमा कोरोना संक्रमितको संख्या ९ हजार एकसय ६० पुगेको छ ।

पछिल्लो २४ घण्टामा भेटिएका कोरोना संक्रमितमध्ये सबैभन्दा बढी विदुर नगरपालिकाका १९ जना रहेका छन् । यस्तै तादी गाउँपालिकामा ९ जनामा संक्रमण पुष्टि हुँदा बेलकोटगढी नगरपालिकाका ४ जनामा कोरोना संक्रमण पुष्टि भएको छ ।

त्यस्तै लिखु गाउँपालिकाका २ जनामा कोरोना संक्रमण देखिएको छ भने म्यागङ र किस्पाङ गाउँपालिकाका समान एक÷एक जनामा कोरोना संक्रमण पसष्टि भएको छ ।

नुवाकोटमा कोरोना संक्रमणबाट ५२ जना संक्रमितको मृत्यु भएको छ । जिल्लामा हालसम्म ३० हजार ४ सय ७३ जनाको पिसिआर परिक्षण गरिएको छ ।