नुवाकोटको जनसंख्या घट्यो, रसुवाको बढ्यो

नुवाकोट । नुवाकोटको जनसंख्या घटेको छ ।

राष्ट्रिय जनगणना २०७८ को प्रारम्भिक नतिजाअनुसार नुवाकोटको जनसंख्या शुन्य दशमलव ५१ प्रतिशतले घटेको हो ।

केन्दिय तथ्याङ विभागका अनुसार राष्ट्रिय जनगणना २०७८ को प्रारम्भिक नतिजा अनुसार नुवाकोटको जनसख्या घटेर २ लाख ६२ हजार ९ सय ८१ पुगेको छ ।

जिल्लामा पुरुषको भन्दा महिलाको संख्या बढी रहेको केन्द्रिय तथ्याङ कार्यालयले जनाएको छ । नुवाकोट महिलाको संख्या एक लाख ३४ हजार १ सय ३२ रहेको छ भने पुरुषको संख्या एक लाख २८ हजार ८ सय ४९ पुगेको छ ।

२०६८ सालको जनगणना अनुसार नुवाकोटको कुल जनसंख्या २ लाख ७७ हजार ४ सय ७१ रहेको थियो ।

यस्तै छिमेकी जिल्ला रसुवाको जनसंख्या भने बढेको छ । केन्दिय तथ्याङ विभागका अनुसार रसुवाको जनसंख्या शुन्य दशमलव ४९ प्रतिशतले जनसंख्या बृद्धि भएको छ ।

रसुवामा राष्ट्रिय जनगणना २०७८ को प्रारम्भिक नतिजाअनुसार रसुवाको जनसंख्या ४५ हजार ५ सय ५४ पुगेको छ । २०६८ सालको जनगणनामा रसुवाको जनसंख्या ४३ हजार ३ सय रहेको थियो ।