विदुरमा एकैदिन १६ जना कोरोना संक्रमित भेटिए

नुवाकोट । नुवाकोटको विदुर नगरपालिकामा आईतवार एकैदिन १६ जना कोरोना संक्रमित भेटिएका छन् ।

आज भेटिएका कोरोना संक्रमितमध्ये १० महिला र ६ पुरुष रहेका छन् । यससँगै विदुुर नगरपालिकामा सक्रिय कोरोना संक्रमितको संख्या २६ पुगेको छ ।

सक्रिय संक्रमितमध्ये हाल २६ जना नै आइसोलेसन वार्डमा रहेको जिल्ला स्वास्थ्य कार्यालय नुवाकोटले जनाएको छ ।

यससँगै विदुर नगरपालिकामा कोरोना संक्रमितको संख्या ३ हजार ४ सय १५ पुगेको छ ।