एमाले नुवाकोटको सातौँ जिल्ला अधिवेशन शुरु

नुवाकोट । नेकपा एमाले नुवाकोटको ७ औ जिल्ला अधिवेशन शुरु भएको छ ।

अधिवेशनको केहीवेरअघि नेकपा एमालेकी केन्द्रिय उपाध्यक्ष अष्टलक्ष्मी शाक्यले उद्घाटन गरेकी हुन् । दुई दिनसम्म चल्ने अधिवेशनले जिल्ला नेतृत्व चयन गर्नेछ ।

जिल्ला अधिवेशनमा बोल्दै एमाले नेताहरुले सहमतीमा नयाँ नेनृत्प चयन गर्न जोड दिएका छन् ।

यस्तै नेपाली कांग्रेस नुवाकोटका जिल्ला सभापति रमेश कुमार महतले राजनितिक परिवर्तनसँगै जनताले पनि परिवर्तन चाहेको भन्दै राजनीतिक दलले त्यसलाई बुझ्नुपर्ने बताए । उनले राजनितिक परिवर्तन भएर मात्र जनताको आवश्यकता पुरा नहुने भन्दै सबै राजनितिक दलले जनताले चाहेको कुरा पनि पुरा गर्नु पर्ने बताए ।

जिल्ला सभापति महत नुवाकोट जिल्लामा सबै जिल्लाको एकताको थलो बन्नुपर्ने बताए । उनले नुवाकोटको विकास निर्माणमा सबैको साझा धारणा बनाउनु पर्ने बताए ।

यस्तै नेकपा माओवादी केन्द्र नुवाकोटका जिल्ला अध्यक्ष हिरानाथ खतिवडाले देशको विकास निर्माणमा सबै राजनितिक दलहरु एकजुट भएर अघि बढ्नुपर्ने बताए ।