नेपालमा फेरि फैलिँदै कोराेना भाइरस, दुई महिना यताकै उच्च

नुवाकोट । नेपालमा कोभिड १९ संक्रमण फेरि फैलिँदैछ । बिहीबार थप ५४० जना संक्रमित थपिएका छन् ।

यो संख्या दुुई महिना यतिकै उच्च हो । यस अघि कार्तिक २३ गते ५३३ जनामा संक्रमण पुष्टि भएको थियो । तर त्यसपछि भने बिस्तारै संक्रमण दर घटेको थियो । तर विगत केहि दिनमा नेपालमा संक्रमितको संख्या निरन्तर वृद्धि भइरहेको स्वास्थ्य तथा जनसंख्या मन्त्रालयको तथ्यांकले देखाउँछ ।

मन्त्रालयका अनुसार पछिल्लो २४ घण्टामा भएको कुल १२ हजार ९९ नमुना परीक्षणमध्ये ४७८ जनामा पीसीआर परीक्षणद्वारा र एन्टिजेन परीक्षणद्वारा ६२ जनामा संक्रमण पाइएको हो । सोहि अवधिमा २७१ जना भने संक्रमण मुक्त भएका छन् ।

एक दिनमा संक्रमणका कारण एक जनाले ज्यान गुमाएका छन् । आज काठमाडौं उपत्यकामा ३१० जनामा संक्रमित पाइएको छ । तीमध्ये काठमाडौंमा २२१, भक्तपुरमा ३० र ललितपुरमा ५९ गरी ३१० जना थपिएका हुन्।

हाल देशभरमा कुल पाँच हजार ४३१ जना सक्रिय संक्रमित छन् ।