सुख्खा पहिरो जाँदा पासाङल्हामु राजमार्ग अवरुद्द

नुवाकोट । सुख्खा पहिरोको कारण पासाङल्हामु राजमार्ग अवरुद्ध बनेको छ ।

रसुवाको गोसाइकुण्ड गाउँपालिका वडा नम्बर ३ कुलुङ पुल नजिक सडक माथिबाट ढुङ्गामाटो सहितको सुख्खा पहिरो आउँदा सडक अवरुद्ध भएको जिल्ला प्रहरी कार्यालय रसुवाले जनाएको छ ।

सुख्खा पहिरोले सडक पुर्ण रुपमा ठप्प भएको प्रहरीले जनाएको छ । अवरुद्ध सडक सुचारु गर्न उक्त क्षेत्रमा रहेका हाईड्रोपावरहरु तथा सम्बन्धित निकायहरुसँग समन्वय भई रहेको प्रहरीले जनाएको छ ।

अवरुद्ध सुचारु गर्न भोटेकोशी हाईड्रोपावरको एक वटा स्काभेटर परिचालन गरिएको छ ।