चिसो बढ्दा नुवाकोटको जनजीवन प्रभावित

नुवाकोट । केही दिनयता मौसममा बदली आएसंगै नुवाकोटसहित देशका अधिकांश भू–भागमा वर्षासँगै चिसो बढेको छ ।

जिल्लाको उच्च पहाडी तथा हिमाली क्षेत्रमा हिमपात भएको छ भने रसुवामा व्याक हिमपात भएको छ । जिल्लाको माथिल्लो भेगमा भएको हिमपात र वर्षाले हिउँदे बालीलाई राहत पुगेपनि चिसो बढ्दा जनजीवन कष्टपूर्ण बनेको छ ।

नुवाकोट र रसुवाका डाँडा हिउले ढाकिएका छन । जिल्लामा यो हिउदमा पहिलो पटक हिमपात भएको हो । मंगलबार रातीदेखि नै सुरु भएको वर्षाले हिमाली क्षेत्रमा हिमपात भएको छ ।

वर्षा र हिमपातले चिसो बढेको छ । मंगलबारदेखिकै बदली र चिसोका कारण जनजीवन प्रभावित भएको छ । चिसो बढेपछि मानिसहरु घरबाहिर निस्कनै मुस्किल परेको छ ।

चिसो बढेपछि दैनिक मजदुरी गरी गुजारा गर्ने वर्ग अझ बढी प्रभावित भएका छन ।
पर्यटकीय क्षेत्रले भने हिमपातको लाभ लिइरहेका छन । शेताम्य डाडाकाडामा बुधबार हिउ खेल्न जानेको लर्को नै थियो ।

जाडोले कष्ट थपेपनि आकाशे पानीको भरमा खेती गर्ने किसानलाई वर्षा र हिमपातले भने राहत दिलाएको छ ।