नुवाकोट कोरोना संक्रमितमुक्त बन्यो

नुवाकोट । झण्डै डेढवर्षपछि नुवाकोट कोरोना संक्रमितमुक्त बनेको छ ।

नुवाकोटमा उपचारको क्रममा रहेका कोरोना संक्रमितको संख्या शुन्य भएपछि जिल्ला कोरोना संक्रमणमुक्त बनेको हो ।

जिल्लामा उपचाररत दुईजना कोरोना संक्रमित निको आज कोरोनामुक्त भएसँगै जिल्ला कोरोना संक्रमितमुक्त भएको कार्यालयका सुचना अधिकारी उत्तम खनालले जानकारी दिए ।

नुवाकोटमा हालसम्म ८ हजार ३ सय ९० जनामा कोरोना संक्रमण पुष्टि हुँदा ८ हजार ३ सय ३० जना निको भएर घर फर्किएका छन् ।

संक्रमितमध्ये जिल्लामा ५२ जना कोरोना संक्रमितको मृत्यु भइसकेको छ ।

नुवाकोटमा हालसम्म २८ हजार ८ सय २६ जनाको पिसिआर परिक्षण गरिएको छ ।