थप्रेकमा व्यवसायिक सिताके च्याउ उत्पादन सम्बन्धि तालिम सम्पन्न

नुवाकोट । नुवाकोटको पन्चकन्या गाउपालिका वडा न ४ थप्रेकमा व्यवसायिक सिताके च्याउ उत्पादन सम्बन्धि २ दिने तालिम सम्पन्न भएको छ ।

माल्टेजर ईन्टर्नेशनलको आर्थिक सहयोगमा ग्रामीण स्वाबलम्बन बिकास केन्द्रको आयोजना तथा गाउँपालिकाको समन्वयमा सन्चालन भएको तालिममा गाउँपालिकाको वडा नम्बर २, ३ र ४ का गरि ४४ जनाको सहभागीता रहेको थियो ।

तालिममा सहभागीहरुलाई तालिम पश्चात ३ समुह बनाएर समुहगत रुपमा ड्रिल मेशिन समेत प्रदान गरिएको छ भने ब्यक्तिगत रुपमा च्याउको बिउ, मुडा छोप्ने प्लास्टिक, लगायतका औजारहरु सहयोग गरिएको संस्थाका फिल्ड संयोजक साधुराम सापकोटाले जानकारी दिए ।

सहभागीहरुलाई प्रशिक्षण सिताके च्याउ फर्म सन्चालन गरिरहेका कृषि प्राबिधिक कल्पना तिमल्सिना र सस्थाका कृषि अधिकृत पवन प्याकुरेलले दिएका सथए ।

दुई दिनसम्म चलेको तालिममा सैद्धान्तिक तथा ब्यबहारिक ज्ञानहरु दिइएको आयोजकले जनाएको छ ।