कांग्रेसको केन्द्रिय महाधिवेशन प्रतिनिधिमा श्रेष्ठद्धारा स्वतन्त्र उम्मेद्धवारी घोषणा

नुवाकोट । नेपाली कांग्रेसका युवा नेता शैलेस श्रेष्ठले केन्द्रिय महाधिवेशन प्रतिनिधिमा स्वतन्त्र रुपमा उम्मेद्धवारी घोषणा गरेका छन् ।

आइर्तवार दिउँसो विदुर खबरसँग कु्रा गर्दे श्रेष्ठले केन्द्रिय महाधिवेशन प्रतिनिधिमा स्वतन्त्र रुपमा उम्मेद्धवारी दिएको बताएका हुन् ।

नुवाकोटको लिखु गाउँपालिका वडा नम्बर ४ चौघडा घर भएका श्रेष्ठले नुवाकोट क्षेत्र नम्वर १ बाट महाधिवेशन प्रतिनिधि दावी गरेका हुन् ।

कांग्रेसको तरुण दलका युवा नेता समेत रहेका श्रेष्ठले राजनितिसँगै समाजसेवामा समेत हात अघि बढाएका छन् । उनले कांग्रेसको राजनितिमा युवापुस्तालाई उपेक्षा गरेको भन्दै युवाको सवाल र सरोकार तथा मागलाई युवाले नै मात्र सम्बोधन गर्न सक्ने बताए ।

उनले पार्टीमा बृद्धहरुको जमात रहेको र युवालाई अवसर प्राप्त नभएकोले युवाहरुमा पार्टीप्रति त्यति आकर्षण नबढेको बताए । पार्टीमा युवालाई आकर्षित गर्न युवाको सरोकार र मागलाई सम्बोधन गर्नुपर्ने उनले बताए ।