बेलकोटगढी नगरपालिका वडा नम्बर ६ कार्यालयको भवन उद्घाटन

नुवाकोट । नुवाकोटको बेलकोटगढी नगरपालिका वडा नम्बर ६ को वडा कार्यालयको भवनको उद्घाटन गरिएको छ ।

बुधवार नगरपालिकाका प्रमुख राजेन्द्ररमण खनाल, प्रमुख प्रशासकिय अधिकृत दिपक राज खतिवडा लगायतले वडा कार्यालयको भवनको संयुत्त रुपमा उद्घाटन गरेका हुन् ।

वडा कार्यालयको भवन उद्घाटन गर्दै मेयर खनालले नगरपालिकाले पछिल्लो ४ वर्षको अवधिमा भौतिक क्षेत्रमा निकै प्रगति हासिल गरेको बताए । मेयर खनालले नगरपालिकाको रणनीतिक महत्वका ५ वटा सडकमध्ये लोक सँचार मार्ग अन्तर्गत काशिटार बाघखोर खण्ड कालोपत्रे अन्तिम चरणमा पुगेको र बाघखोर धार्के खण्ड सडक कालोपत्रेको काम यसै आर्थिक बर्षमा सम्पन्न गर्ने बताए । यस्तै

धमले–बाघखोर सडक अन्तर्गत धमले–निरञ्जना खण्ड कालोपत्रे सम्पन्न भईसकेको र निरञ्जना बाघखोरखण्ड धमाधम काम भईरहेको र आउने मंसिरसम्म कालोपत्रे सम्पन्न भईसक्ने मेयर खनालले बताए ।

नगरपालिकाको आर्थिक सहयोगमा निर्माण भएको उत्त भवन निर्माणा गर्न जग्गा दान गर्ने स्थानिय समाजसेवी धनकुमारी बास्कोटासहित अन्य ५ जनालाइ समेत कार्यक्रममा सम्मान गरिएको छ ।

कार्यक्रममा वडा नम्बर ६ का वडाअध्यक्ष अम्विका तमाङ्ग,वडा नम्बर ५ का वडाध्यक्ष अनन्त नेपाल, वडा नम्बर ८ का वडाध्यक्ष भोजप्रसाद पुडासैनी, वडा नम्बर ९ का वडाध्यक्ष बाबुराम गजुरेल लगायतको उपस्थिति रहेको थियो ।