नुवाकोटमा एकीकृत समाजवादीको भेला हुँदै

नुवाकोट । नेतृत्व चयन लगायतको विषयलाई लिएर आउँदो असोज २ गते नुवाकोटमा एकीकृत समाजवादीको भेला हुने भएको छ ।

नेपाल कम्युनिष्ट पार्टी एकीकृत समाजवादि नुवाकोटले आउदो असोज २ गते जिल्ला भेलाको आयोजना गर्न लागेको नेता राजेन्द्र प्रकाश लोहनीले जानकारी दिए ।

नेपाल कम्युनिष्ट पार्टी एमालेमा देखापरेको व्यक्तिवादी चरित्र,असंवैधानिक कदम र निरङ्कुसताविरुद्ध पार्टीभित्र संघर्ष गर्दै आएको माधव नेपाल समुहले अन्तिम प्रयास गर्दा पनि एकता सम्भव नभएपछि हालै निर्वाचन आयोगवाट दलको मान्यता पाएको नेकपा एकीकृत समाजवादि देशभर संगठन निर्माणमा जुटेको छ ।

एकीकृत समाजवादीका नेता राजेन्द्र पाण्डेको प्रमुख आतिथ्यतामा हुने भेलाले जिल्ला नेतृत्व चयनदेखि सांगठनिक संरचना लगायतको विषयमा निर्णय गर्ने बताइएको छ ।